ህዳር 3/2019 ዓ.ም፤ አዲስ አበባ፦ የኢትዮጵያ መከላከያ ዩኒቨርሲቲ የሳይበር ደህንነትና አርቴፊሻል ኢንተለጀንስ አካዳሚ ከኢንፎርሜሽን መረብ ደህንነት አስተዳደር (ኢመደአ) ጋር በሳይበር ደህንነትና በአርቴፊሻል ኢንተለጀንስ ዘርፎች የጋራ የሥራ ትብብር ለመፍጠር ያለመ የሥራ ጉብኝትና ውይይት አካሄደ።
የጉብኝቱ ዋና ዓላማ አካዳሚው የመማር ማስተማርና የጥናትና ምርምር ተልዕኮዎቹን በተሳካ ሁኔታ ለማሳካት ከአቻ ተቋማት ጋር በትብብር ሊሠራባቸው የሚችሉ የትኩረት መስኮችን ለመለየት፣ የሰው ኃይል አደረጃጀትና ልማት ፣ ለደህንነት ተቋማት የሚሰጡ የሥልጠና ዘርፎችን መለየትና የልምድ ልውውጥ ማድረግ ያለመ ነው።
በውይይቱ የአካዳሚው ዋና ዳይሬክተር ኮ/ል ከበደ ወልዴ፤ አካዳሚው ከኢመደአ ጋር በጋራ ለመሥራት ያለውን ፍላጎት ገልጸው፣ በተለይም በሳይበር ደህንነት፣ በፈጠራ እና ምርምር እንዲሁም በትምህርትና ስልጠና ኢመደአ እያስመዘገበ ያለውን ውጤታማ ሥራ አድንቀዋል። እንዲሁም የተቋሙን ልምድና አቅም ከአካዳሚው የማስተማር፣ የምርምርና የሙያተኞች ማብቃት ተልዕኮ ጋር በማቀናጀት የጋራ ውጤት ለማምጣት ያላቸውን ፍላጎት ገልፀዋል።
ተጨማሪውን ለማንበብ፡- https://web.facebook.com/INSA.ETHIOPIA
Loading the original post…
From a public Telegram channel · not posted by the owner · Pin shows the area only · Yours? Claim it · Help